Abaremeshamahoro

Ico gitabu ca nyakubahwa umutambukanyi w’umukuru w’igihugu casohotse mu bihugu vya Buraya muri iyi indwi y’ukwezi kwa Ruheshi, kikaba kizoshika mu Burundi mu kwezi kwa Myandagaro uyu mwaka w’2013, co kimwe no mu zindi mpande z’isi.

Mu majambo make rero, ng’ibi ibivurwa muri ico gitabo : « Yavukiye mu ntara ya Ngozi mu Buraruko bw’igihugu c’Uburundi. Umupfasoni Denise Nkurunziza, ni umupfasoni akunda ibikorwa cane, akaba yubakanye na Nyenicubahiro umukuru w’igihugu c’Uburundi.

Ariko intambara yateye mu mwaka w’1993 mu Burundi, nayo nyene ntiyasize inyuma uyo muryango kuko inyuma y’umwaka umwe gusa, umushingantahe wiwe Petero Nkurunziza asanga abarwanyi b’umuhari CNDD wari urongowe na Lewonardo Nyangoma ico gihe, ivyo rero vyatumye umupfasoni Denise Bucumi Nkurunziza asigara wenyene mu ngorane zitandukanye,nk’irungu, eka ndetse n’ukwiyumvira ryari bazosubira kuba barikumwe bose mu muryango.

Ico gitabo rero casohotse muri uku kwezi kwa Ruheshi uyu mwaka w’2013, kigizwe n’impapuro 180, kikaba kidandazwa amafaranga ibihumbi 38 vy’amafaranga y’amarundi, ni ukuvuga amadolari y’ Amerika 24, canke amanyaburaya 18